Aktual mövzular: Dollar alış-satışı, Neftin qiyməti, COP29, Hava proqnozu

Azərbaycan Hindistanın turizm şirkətləri ilə əməkdaşlıq imkanlarını müzakirə edib

Azərbaycan Hindistanın turizm şirkətləri ilə əməkdaşlıq imkanlarını müzakirə edib

Tarix: 4 Iyun 2019 18:03

Bakı. İlhamə İsabalayeva - Trend:

Azərbaycan Turizm Bürosu turizm sahəsi üzrə ixtisaslaşmış Hindistan şirkətləri ilə mümkün əməkdaşlıq imkanlarını müzakirə edib.

Dövlət Turizm Agentliyindən Trend-ə verilən məlumata görə, ölkəmizə gələn əcnəbilərin sayını artırmaq məqsədilə yerli turoperatorların nümayəndələri ilə Hindistandan olan turizm şirkətləri arasında tanışlıq görüşü təşkil olunub.

50-dən çox yerli turoperatorun iştirak etdiyi görüşdə Hindistan şirkətlərinə Azərbaycanın turizm potensialı barədə ətraflı məlumat verilib.

Mumbay şəhərindən olan şirkətlərin Azərbaycan və onun turizm imkanları barədə ətraflı məlumatlandırılması məqsədilə Bakı, Şamaxı və Qəbələ şəhərlərinə tanışlıq səfərləri təşkil olunub.

Bakıda xidmət göstərən hotellər və "Atəşgah məbədi" Dövlət Tarix-Memarlıq Qoruğu ilə tanışlıqla başa vurulması planlaşdırılan səfər iyunun 6-dək davam edəcək.

Qeyd edək ki, 2018-ci ilin sonundan etibarən Hindistanın Mumbay şəhərində ölkəmizin rəsmi turizm nümayəndəliyi fəaliyyət göstərir.

Trend-in ən mühüm və maraqlı xəbərlərini "Telegram"da izləyin


Etiketlər:  Azərbaycan Hindistanın turizm şirkətləri ilə əməkdaşlıq imkanlarını müzakirə edib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ