Aktual mövzular: Dollar alış-satışı, Neftin qiyməti, COP29, Hava proqnozu

İranın milli valyutası dəyişdirildi

İranın milli valyutası dəyişdirildi

Tarix: 4 May 2020 11:16

Bakı. Elnur Bağışov - Trend:

İran parlamenti milli valyutanın rialdan tümənə dəyişdirilməsinə qərar verib.

Bu barədə Trend İran parlamentinin informasiya portalına istinadən məlumat verib.

Qərara əsasən, 9 iyul 1972-ci ildə İranın pul və maliyyə qanunun 1-ci maddəsində dəyişikliklər aparılıb.

Qərarda bildirilir ki, İranın milli valyutasının adı tüməndir və hər 1 tümən 10 min riala bərabərdir.

Qərarda qeyd olunur ki, xarici valyutalar qarşılığında tümənin alqı-satqısı İranın Mərkəzi Bankı tərəfindən müəyyən olunur.

Qərara əsasən, maksimum 3 il ərzində tümən və rialın paralel dövriyyəsi olacaq.

İranın Mərkəzi Bankı maksimum 2 il ərzində bu qanunun icra olunması istiqamətində addımlar atmalıdır.

Qeyd edək ki, İranın Mərkəzi Bankının layihəsinə əsasən, İranın milli valyutasından 4 sıfır atılması nəzərdə tutulub. İranın milli valyutasının adı tümən olacaq, hər 1 tümən hazırkı 10 min rial və 100 qrana (qəpik adı belədir) bərabər olacaq.


Etiketlər:  İranın milli valyutası dəyişdirildi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ