Aktual mövzular: Dollar alış-satışı, Məzənnə, Neftin qiyməti

"Qəbələ" "Çezena" və "Venetsiya" ilə eyni qrupda

Tarix: 5 Iyun 2019 09:56

“Qəbələ”nin 14 yaşadək futbolçulardan ibarət komandası beynəlxalq turnirdə iştirak edəcək.

Qol.az-ın klubun saytına istinadən yaydığı xəbərə görə, “qırmızı-qaralar” İtaliyanın San Vito şəhərində təşkil olunacaq “Fabio Zukkeri Memorialı”nda qüvvəsini sınayacaq. İyunun 7-10-da keçiriləcək turnirdə 16 komanda mübarizə aparacaq.

“Qəbələ” A qrupunda İtaliya təmsilçiləri “Çezena”, “Venetsiya” və “Manzanese” ilə üz-üzə gələcək. Qrup mərhələsinin görüşləri eyni gündə - iyunun 8-də keçiriləcək.

B qrupunda “Udineze”, “Pordenone”, “Donatello” (hamısı İtaliya), “Zrinski” (Bosniya və Herseqovina), C qrupunda “İnter”, “Cenoa”, “Esperia-97” (hamısı İtaliya), “Qrbçi” (Xorvatiya), D qrupunda isə “Triestina”, “Akuileya” (hər ikisi İtaliya), “Hayduk” (Xorvatiya) və “Qoritsa” (Sloveniya) mübarizə aparacaq.

Whatsapp ilə göndər