Aktual mövzular: Dollar alış-satışı, Neftin qiyməti, COP29, Hava proqnozu

İranda daha 51 nəfər koronavirusdan ölüb

Tarix: 10 May 2020 16:36

Bakı. Elnur Bağışov - Trend:

İranda ötən sutka ərzində daha 51 koronavirusdan (COVID-19) ölüb.

Bunu İranın Səhiyyə, Müalicə və Tibbi Təhsil Nazirliyinin mətbuat xidmətinin rəhbəri Kiyanuş Cahanpur deyib. Bu barədə Trend nazirliyə istinadən məlumat verib.

K.Cahanpurun sözlərinə görə, bununla da İranda bu virusda ölənlərin sayı 6 640 nəfərə yüksəlib.

Nazirlik rəsmisi əlavə edib ki, ötən 24 saat ərzində daha 1 383 nəfərin koronavirusa yoluxması ilə yoluxanların sayı 107 603 nəfərə çatıb. Onlardan 2 675 nəfərin vəziyyəti ağırdır.

Cahanpur indiyədək 86 143 nəfərin koronavirusdan sağaldığını deyib.

İranda koronavirusun diaqnozu ilə əlaqədar 586 mindən çox test həyata keçirilib.

Whatsapp ilə göndər