Aktual mövzular: Dollar alış-satışı, Neftin qiyməti, COP29, Hava proqnozu

Miqren, təzyiq, ürək-damar, şəkər xəstələri oruc tutarsa...

Miqren, təzyiq, ürək-damar, şəkər xəstələri oruc tutarsa...

Tarix: 16 May 2020 23:42

Baş ağrısına uzun müddət ac qalan şəxslərin təxminən 40%-də rast gəlinir. Aclıq müddəti uzandıqca, baş ağrısı da artır. Miqrenli xəstələrin oruc tutma qərarı vermədən öncə, həkimləri ilə məsləhətləşməsi tövsiyə olunur.

Bu barədə Tibbi Ərazi Bölmələrini İdarəetmə Birliyinin sosial şəbəkədə paylaşdığı məlumatda bildirilir.

TƏBİB-in başqa bir məlumatında qeyd olunub ki, Ramazan ayında qidalanmadakı dəyişikliklərlə bağlı olaraq yarana biləcək qəbizliyin qarşısını almaq üçün maye qəbuluna diqqət yetirmək lazımdır. Əlavə olaraq, paxlalı bitkilər, kəpəkli taxıllar kimi lifli qidalara üstünlük verilməlidir.

Bundan başqa, mütəxəssislər hipertenziya və xroniki ürək xəstəlikləri olan şəxslərin müəyyən saatlarda dərman qəbul etmələrinin lazım olduğunu vurğulayıblar. Bu qrup insanların həkimlə məsləhətləşmədən oruc tutması tövsiyə edilmir.

O da bildirilib ki, gün ərzində ac qalmaq, qan şəkəri balansını pozur. Şəkər xəstələrinin gündə 3 dəfə ana yemək, 3 dəfə isə ara yeməkləri ilə qidalanması lazımdır. Oruc tutmaq istəyən şəxslərin hipoqlikemiya riskinə görə həkimləri ilə məsləhətləşməsi tövsiyə olunur.


Etiketlər:  Miqren təzyiq ürək damar şəkər xəstələri oruc tutarsa


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ