Aktual mövzular: Dollar alış-satışı, Neftin qiyməti, COP29, Hava proqnozu

Ünvanlı sosial yardım özünüməşğulluq proqramına inteqrasiya olunacaq

Ünvanlı sosial yardım özünüməşğulluq proqramına inteqrasiya olunacaq

Tarix: 18 May 2020 10:04

Bakı. İlhamə İsabalayeva – Trend:

Ailələr ünvanlı dövlət sosial yardım almaq üçün müraciət etdikdə onların evlərinin maddi-məişət şəraitinin müayinəsi artıq həm də Dövlət Məşğulluq Xidmətinin yerli nümayəndələri ilə birlikdə keçiriləcək.

Trend-in məlumatına görə, bunu Əmək və Əhalinin Sosial Müdafiəsi Nazirliyinin Sosial təminat siyasəti şöbəsinin müdiri Babək Hüseynov deyib.

Bu məsələnin “Ünvanlı dövlət sosial yardım haqqında” qanuna dəyişikliklərin edilməsi məqsədilə hazırlanan təkliflər layihəsində öz əksini tapdığını deyən B.Hüseynov qeyd edib ki, təklif edilən dəyişikliyə əsasən, artıq ünvanlı sosial yardım özünüməşğulluq proqramı ilə vəhdət təşkil edərək ona inteqrasiya olunacaq:

“Ailələr sosial yardım üçün müraciət etdikdə onların evlərinin maddi-məişət şəraitinin müayinəsi zamanı vətəndaşın özünəməşğulluğa cəlb edilmə imkanları da qiymətləndiriləcək. Əgər ailənin hər hansı üzvünün belə bir imkanı olarsa, ona təklif ediləcək ki, ünvanlı sisial yardımla bərabər özünəməşğulluq proqramına cəlb edilsin. Belə şəxslər layiqli əməklə məşğul olmaqla gəlirlərini artıra biləcəklər”.


Etiketlər:  Ünvanlı sosial yardım özünüməşğulluq proqramına inteqrasiya olunacaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ