Aktual mövzular: Dollar alış-satışı, Neftin qiyməti, COP29, Hava proqnozu

Ceyhun Bayramov: Hazırlıqsız tələbələr iyun-iyul aylarındakı imtahanlarda iştirakdan imtina edə bilərlər

Tarix: 23 May 2020 10:06

Bakı. İlhamə İsabalayeva – Trend:

İyun-iyul aylarında tələbələr yay imtahanı sessiyasında iştirak edəcəklər. Ancaq hansısa tələbə müəyyən səbəblərdən özünü hazır hiss etmirsə, bu sessiyada iştirak etməkdən imtina edə bilər.

Trend-in məlumatına görə, bunu Təhsil naziri Ceyhun Bayramov deyib.

Onun sözlərinə görə, bu halda həmin tələbələr üçün avqustun sonunda və sentyabrın ilk 15 günü ərzində yenidən imtahan sessiyası təşkil olunacaq:

“Ali təhsil müəssisələrinin belə bir öhdəliyi var ki, onlar həmin imtahanlardan 3-4 həftə əvvəl tələbələr üçün məsləhət saatları təşkil edəcək, əsas mövzular üzrə izahatlar verəcəklər. Buna görə tələbələrdən hər hansı ödəniş alınmayacaq. Əvvəlki illərdən fərqli olaraq, bu il tələbələr imtahan sessiyasıyalarında iştirak üçün iki dəfə şans veriləcək”.

Whatsapp ilə göndər