AZAL: Daha 175 Azərbaycan vətəndaşı vətənə çatdırılıb (FOTO)

Tarix: 27 May 2020 19:15

Bakı. Trend:

Bu gün Milli aviadaşıyıcının çarter reysi ilə 175 nəfər Azərbaycan vətəndaşı Moskvadan Bakıya çatdırılıb.

"Azərbaycan Hava Yolları" (AZAL) QSC-nin Mətbuat xidmətindən Trend-ə bildirilib ki, ölkəyə gələn bütün sərnişinlər reysdən sonra karantinə yerləşdirilib.

Qeyd edək ki, çarter reysləri AZAL tərəfindən Azərbaycan Respublikasının Nazirlər Kabineti yanında Operativ Qərargahın müəyyən etdiyi plana uyğun həyata keçirilir.