Aktual mövzular: Dollar alış-satışı, Məzənnə, Neftin qiyməti

Ağdamda çətənə bitkisi yetişdirən şəxs saxlanılıb (FOTO)

Tarix: 22 Iyul 2020 14:18

Bakı. Trend:

Ağdam Rayon Polis Şöbəsinin əməkdaşları tərəfindən kultivasiya yolu ilə yetişdirilən narkotik tərkibli bitkilərin aşkar edilməsi və bu qanunsuz fəaliyyətlə məşğul olan şəxslərin ifşa olunaraq məsuliyyətə cəlb olunmaları istiqamətində tədbirlər uğurla davam etdirilir.

DİN-in Mətbuat Xidmətinin Bərdə regional qrupundan Trend-ə bildirilib ki, daxil olmuş məlumat əsasında Ağdam RPŞ-nin əməkdaşları tərəfindən həyata keçirilən əməliyyat-axtarış tədbirləri nəticəsində çətənə bitkisi yetişdirməkdə şübhəli bilinən rayon sakini Azay Rəhimov saxlanılıb. A. Rəhimovun yaşadığı ünvana baxış keçirilən zaman evinin həyətyanı sahəsində aqrotexniki qaydada qulluq edərək yetişdirdiyi 23 ədəd çətənə kolu və 2 kiloqramdan artıq qurudulmuş marixuana aşkar edilərək götürülüb.

Faktla bağlı Ağdam RPŞ-də araşdırma aparılır.