Aktual mövzular: Dollar alış-satışı, Məzənnə, Neftin qiyməti

Məşhur İT şirkətləri noutbuk və planşetlər üçün təklif edilən rüsumlara qarşı çıxıblar

Məşhur İT şirkətləri noutbuk və planşetlər üçün təklif edilən rüsumlara qarşı çıxıblar

Tarix: 20 Iyun 2019 12:04

"Dell Technologies", "HP", "Microsoft" və "Intel" şirkətləri ABŞ Prezidenti Donald Trampın Çindən tədarük edilən noutbuk və planşetlərin idxalına rüsum qoyulan malların siyahısına daxil edilməsi ilə bağlı təklifinə qarşı çıxıblar.

 

"ICTnews" Elektron Xəbər Xidməti "3DNews" resursuna istinadən yazır ki, ABŞ-da klaviaturası ayrılan noutbuk və planşetlərin satışının 52 faizinin payına sahib "Dell", "HP" və "Microsoft" şirkətləri bəyan edib ki, təklif olunan rüsumlar ölkədə noutbukların qiymətinin bahalaşmasına səbəb olacaq.

 

Dörd şirkətin internetdə yerləşdirilən birgə bəyanatında deyilir ki, bu addım istehlakçılara və sahəyə ziyan vuracaq və ABŞ Ticarət Nümayəndəliyinin (USTR) düzəltmək istədiyi Çin ticarət siyasəti praktikasına şamil edilməyəcək.

 

Şirkətlər "Consumer Technology Association" (CTA) Assosiasiyasının tədqiqatına istinadən bildiriblər ki, təklif edilən rüsumların tətbiqi ABŞ-da planşet və noutbukların qiymətini minimum 19 faiz artıraraq noutbukun orta pərakəndə satış qiymətinə təxminən 120 dollar əlavə edə bilər.

 

Nizam Nuriyev




Etiketlər:  Məşhur İT şirkətləri noutbuk və planşetlər üçün təklif edilən rüsumlara qarşı çıxıblar


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ