Azərişıq: İstehlakçıların fasiləsiz və dayanıqlı elektriklə təmini üçün bütün qabaqlayıcı tədbirlər görülüb

Tarix: 30 Iyul 2020 15:33

Bakı. Trend:

Qurban bayramı günlərində istehlakçıların fasiləsiz və dayanıqlı elektrik enerjisi ilə təmin edilməsi məqsədilə bütün qabaqlayıcı texniki və təşkilatı tədbilər həyata keçirilb.

Bu barədə “Azərişıq” ASC-dən Trend-ə bildirilib ki, koronavirus (COVİD 19) pandemiyası ilə əlaqədar olaraq ilk güdən etibarən ASC gücləndirilmiş iş rejimində fəaliyyətini davam etdirir. Həmçinin, Qurban bayramı günlərində də istehlakçıların fasiləsiz və dayanıqlı elektrik enerjisi ilə təmin edilməsi məqsədilə bütün qabaqlayıcı tədbirlər həyata keçirilib:

"Baş verə biləcək qəzaların operativ qaydada aradan qaldırılması üçün bütün ölkə üzrə qəza xidmətləri fəaliyyət göstərir. Həmçinin, abonentlərimiz bayram günlərində elektrik enerjisindən istifadəyə görə yaranmış borcu evdən çıxmadan onlayn qaydada ödəyə bilər. Bunun üçün azərişıq.az saytında müvafiq bölməyə daxil olmaq kifayətdir. “Smart” sayğacdan istifadə edən istehlakçılara da tövsiyə olunur ki, əvvəlcədən sayğacların balansını yoxlasınlar və öncədən balanslarını artırsınlar.

Yarana biləcək hər hansı bir nasazlıqda istehlakçılarımızdan dərhal “199” Çağrı Mərkəzinə və rəsmi Facebook, İnstaqram səhifələrmizə müraciət etmələri xahiş olunur. 24 saat fasiləsiz fəaliyyət göstərən “199” Çağrı Mərkəzinə daxil olmuş təklif və şikayətlər dərhal icraya yönəldilir. İstehlakçı məmnuniyyəti əsas hədəfimizdir. Bir daha xalqımızı və bütün müsəlman aləmini Qurban bayram münsibətiylə təbrik edirik!".