Aktual mövzular: Dollar alış-satışı, Neftin qiyməti, COP29, Hava proqnozu

Yunanıstanın turizm bölgəsində karantin qaydaları sərtləşdirilib

Yunanıstanın turizm bölgəsində karantin qaydaları sərtləşdirilib

Tarix: 1 Sentyabr 2020 13:28

Bakı. Trend:

Yunanıstanda, Krit adasının İraklion şəhərində koronavirusa yoluxma hallarının sayının artması ilə əlaqədar iki həftə müddətində məhdudiyyət tədbirləri tətbiq olunacaq.

Trend-in məlumatına görə, yeni qərara əsasən, turistik adada kütləvi tədbirlər, yarmarkalar, əyləncə tədbirləri dayandırılıb.

Sakinlərin 9 nəfərdən çox qrup halında toplanması, restoran və kafelərdə masa arxasında dörd nəfərdən çox müştərinin oturması qadağan edilir. Həm qapalı məkanlarda, həm də açıq havada maska taxmaq zərurəti tətbiq edilib.

Qeyd edək ki, Krit adasında iyun ayında sutkada 2-3 yoluxma qeydə alınırdısa, avqustun əvvəlində bu göstərici 4-5 nəfərə, son günlərdə isə 10-20 nəfərə bərabər olub. Yoluxmaların əksəriyyəti İraklion şəhərində olub.


Etiketlər:  Yunanıstanın turizm bölgəsində karantin qaydaları sərtləşdirilib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ