Aktual mövzular: Dollar alış-satışı, Neftin qiyməti, COP29, Hava proqnozu

Yaponiya oktyabr ayında xaricilər üçün ölkəyə girişi qismən açmaq niyyətindədir

Tarix: 23 Sentyabr 2020 07:16

Bakı. Trend:

Yaponiya oktyabrın əvvəlində koronavirus pandemiyası səbəbi ilə xarici vətəndaşlar üçün ölkəyə girişə qoyulan məhdudiyyətləri qismən ləğv etmək niyyətindədir.

Trend-in "TASS"a istinadən verdiyi məlumata görə, məhdudiyyətlər ölkəyə tibbi, təhsil və iş məqsədi ilə gələnlər üçün ləğv edilə bilər.

Məlumata əsasən, ölkəyə girişlə bağlı məhdudiyyətlərin qismən ləğv edilməsinin turistlərə aidiyyəti olmayacaq.

Bildirilir ki, ölkəyə gələnlər uçuşdan əvvəl koronavirus testindən keçməlidirlər və testin nəticəsi mənfi olmalıdır, Yaponiyaya gəldikdən sonra isə iki həftəlik karantində qalmalıdırlar.

Qeyd edilir ki, təxminən noyabr ayında Yaponiyanın böyük şəhərlərdəki, o cümlədən Tokio, Osaku, Fukuoku, Naqoyu və Sapporodakı hava limanları bir gündə 20 min nəfərədək sərnişin qəbul edə biləcəklər.

Whatsapp ilə göndər