Aktual mövzular: Dollar alış-satışı, Neftin qiyməti, COP29, Hava proqnozu

AzMİU əməkdaşları Silahlı Qüvvələrə Yardım Fonduna 24 min manat vəsait köçürüb

AzMİU əməkdaşları Silahlı Qüvvələrə Yardım Fonduna 24 min manat vəsait köçürüb

Tarix: 15 Oktyabr 2020 13:18

Bakı. Trend:

Azərbaycan Memarlıq və İnşaat Universitetinin (AzMİU) əməkdaşları torpaqlarımızın işğaldan azad olunması uğrunda döyüşlərdə düşməni ağır məğlubiyyətə uğradaraq layiqli zəfər qazanmaqda davam edən ordumuza dəstək olub.

AzMİU-dan Trend-ə verilən məlumata görə, cəmiyyətimizdə mövcud olan milli həmrəylikdən və ordumuzun cəhbəboyu apardığı uğurlu əməliyyatlarından ruhlanaraq könüllü olaraq Silahlı Qüvvələrə Yardım Fonduna 24 min manat məbləğində pul vəsaiti köçürüb.

Universitetimizin professor-müəllim heyətindən tutmuş texniki işçilərinədək hamı bir nəfər kimi Vətənin bütövlüyü uğrunda vuruşan əsgərlərimizin bu şanlı döyüşdən qalib ayrılacağına və tezliklə üçrəngli Azərbaycan bayrağının işğal altındakı torpaqlarda dalğalanacağına əmindirlər.

Onu da xatırladaq ki, bundan əvvəl də AzMİU kollektivi Azərbaycan Respublikasının Silahlı Qüvvələrinin Yardım Fonduna 50 min manat vəsait köçürmüşdü.


Etiketlər:  AzMİU əməkdaşları Silahlı Qüvvələrə Yardım Fonduna manat vəsait köçürüb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ