Aktual mövzular: Dollar alış-satışı, Neftin qiyməti, COP29, Hava proqnozu
Tarix: 28 Oktyabr 2020 15:26
Çempionlar Liqasının qrup mərhələsində "Borussiya"(Mönhenqladbax) ilə matç (2:2) "Real"ın futbolçusu Kərim Benzema üçün əlamətdar olub.
Sonxeber.net qol.az-a istinadən xəbər verir ki, 32 yaşlı hücumçu görüşün 87-ci dəqiqəsində rəqib qapısına yol tapıb. Beləliklə, Almaniya təmsilçisi Benzemanın bu turnirdə qol vurduğu 30-cu komanda olub.
Fransalı oyunçu bu nəticə ilə "Yuventus"un futbolçusu Kriştianu Ronaldu və "Barselona"nın kapitanı Lionel Messinin uğurunu təkrarlayıb.
Qeyd edək ki, B qrupunun turnir cədvəlinə 4 xalla "Şaxtyor" başçılıq edir. "Borussiya" 2 xalla 2-ci dir. Eyni xalı olan "İnter" 3-cü pillədə qərarlaşıb. Aktivinə yalnız 1 xal yazdırmağı bacaran "Real" isə sonuncudur.