Aktual mövzular: Dollar alış-satışı, Məzənnə, Neftin qiyməti

AQTA-da Monqolustan nümayəndə heyəti ilə görüş keçirilib

Tarix: 9 Dekabr 2020 19:30

Azərbaycan Respublikasının Qida Təhlükəsizliyi Agentliyində (AQTA) Monqolustan dövlətinin nümayəndə heyəti ilə görüş keçirilib.

AQTA-dan Milli.Az-a verilən məlumata görə, Monqolustanın ölkəmizdəki fövqəladə və səlahiyyətli səfiri Bold Ravdanla görüşən AQTA-nın sədr müavini Balarəhim Quliyev Agentliyin fəaliyyət istiqamətləri, qarşıya qoyulan hədəflər, əhalinin sağlam və təhlükəsiz qida məhsulları ilə təmin edilməsi istiqamətində həyata keçirilən tədbirlər barədə nümayəndə heyətinə məlumat verib.

Görüşdə iki ölkə arasında qida təhlükəsizliyi, heyvan və bitki sağlamlığı sahələrində əməkdaşlığın hazırkı vəziyyəti və genişləndirilməsi imkanlarına dair fikir mübadiləsi aparılıb, qarşılıqlı əməkdaşlığın perspektivləri müzakirə olunub.

Milli.Az

Whatsapp ilə göndər