Aktual mövzular: Dollar alış-satışı, Neftin qiyməti, COP29, Hava proqnozu

''Moderna'' şirkəti koronavirus əleyhinə vaksinin 400 min dozasını məhv edib

''Moderna'' şirkəti koronavirus əleyhinə vaksinin 400 min dozasını məhv edib

Tarix: 21 Dekabr 2020 19:52

"Moderna" şirkəti koronavirus əleyhinə vaksinin bir partiyasını məhv etməyə məcbur olub.

Sonxeber.net AZƏRTAC-a istinadən bildirir ki, bu məlumatı ABŞ Prezidentinin COVID-19-a qarşı vaksin yaradılması məsələləri üzrə müşaviri Monsefa Slaui elan edib.

Tədqiqatçılar 400 min vaksin dozasının yararsız olmasını aşkar ediblər. Slauinin sözlərinə görə, buna səbəb istehsalın sonrakı mərhələsində - preparat ampulalara doldurulana qədər filtrasiya ilə bağlı problemlər olub. Bununla belə, şirkətin nümayəndələri qeyd ediblər ki, bu fakt vaksin istehsalı planının yerinə yetirilməsinə əsla təsir göstərməyəcək. Plana əsasən, bu ayın sonuna qədər 20 milyon doza vaksin istehsal edilməsi nəzərdə tutulur.

"Moderna" şirkətində vaksinin sınaqlarının son mərhələlərində 30 mindən çox insan iştirak edib. Bu vaksinin 94 faiz effektiv olması müəyyən edilib. Belə ki, könüllülərdən yalnız 196 nəfəri COVID-19-a yoluxub. Onların 185 nəfəri plasebo peyvəndi alıb. ABŞ-ın Qida Məhsullarına və Dərmanlara Nəzarət İdarəsi vaksinin tətbiqinə razılıq verib. Bu peyvəndin 18 yaşdan yuxarı şəxslərə edilməsi məsləhət görülür.


Etiketlər:  Moderna şirkəti koronavirus əleyhinə vaksinin dozasını məhv edib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ