Aktual mövzular: Dollar alış-satışı, Neftin qiyməti, COP29, Hava proqnozu

Mutasiyaya uğramış virusun antigenliyi də dəyişirsə, indiki vaksinlərin effektivliyi azala bilər - Akif Qurbanov

Mutasiyaya uğramış virusun antigenliyi də dəyişirsə, indiki vaksinlərin effektivliyi azala bilər - Akif Qurbanov

Tarix: 24 Dekabr 2020 13:06

Bakı. İlhamə İsabalayeva - Trend:

Mutasiya virusun hər hansı bir xüsusiyyətinin gen səviyyəsində tam dəyişməsi deməkdir. Əgər mutasiyaya uğramış virusun antigenliyi də dəyişirsə, onda əvvəlllər hazırlanmış vaksinlərin effektivliyi azala bilər.

Bunu Trend-ə TƏBİB-in Elmi Komitəsinin sədri, Elmi Tədqiqat Profilaktika İnstitutunun direktor müavini, professor Akif Qurbanov deyib.

Onun sözlərinə görə, peyvənd hazırlayanlar koronavirusun dəyişən virus olduğunu qabaqcadan görürdülər:

“Ona görə də vaksin üçün onun elə gen bölgələrini istifadə ediblər ki, həmin genlər mutasiyaya çox az məruz qalır. Bu baxımdan hesab etsək ki, mütəxəssislər belə bir dəyişikliyin baş verə biləcəyini görürdülər, onda onun qarşısını da alırdılar. Vaksinlərin hazırlanmasında COVİD-19 virusunun elə bir gen bölgələrindən istifadə olunub ki, onlar mutasiyaya çox az məruz qalır. Ona görə də biz hesab edirik ki, indi hazırlanmış vaksinlər mutasiyaya uğramış viurusun törətdiyi xəstəliyə qarşı da kifayət qədər effektiv olacaq. Gələcəkdə hər hansı dəyişiklik baş verərsə, bu barədə əlavə məlumat verilə bilər”.


Etiketlər:  Mutasiyaya uğramış virusun antigenliyi dəyişirsə indiki vaksinlərin effektivliyi azala bilər Akif Qurbanov


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ