Aktual mövzular: Dollar alış-satışı, Neftin qiyməti, COP29, Hava proqnozu

Yaponiyaya yağan güclü qar fəsadlar törədib

Yaponiyaya yağan güclü qar fəsadlar törədib

Tarix: 1 Yanvar 2021 07:12

Son günlər Yaponiyada müşahidə edilən güclü qar fəsadlar törədib.

Sonxeber.net AZƏRTAC-a istinadən bildirir ki, güclü qar nəticəsində aviaşirkətlər Yaponiya daxilində 150-yə yaxın aviareysi təxirə salıb. Həmin reyslərin əsasən, Hönşü adasının şimalı ilə Yapon dənizi sahillərini birləşdirdiyi bildirilir.

Bununla yanaşı, güclü qara görə "Şinkansen" super ekspreslərinin də hərəkətinə məhdudiyyət tətbiq edilib. Yamaqata prefekturası ərazisində qatarların hərəkəti tamamilə dayandırılıb. Eyni zamanda, Kyuşü adasının cənub-qərbində yerləşən magistrallardan birində də hərəkətin dayandırıldığı bildirilir.

Güclü qar nəticəsində İvate prefekturasında bir nəfərin həyatını itirdiyi qeyd edilir. Belə ki, yolun qarını təmizləyən traktorçu idarəetməni itirib və traktor çaya düşüb.

Yaponiyada güclü qarın hələ bir neçə gün davam edəcəyi bildirilir. Sinoptiklərin proqnozlarına görə, yanvarın 2-də səhər Yapon dənizi sahillərinə 1 metr qalınlıqda qar düşəcəyi gözlənilir.


Etiketlər:  Yaponiyaya yağan güclü fəsadlar törədib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ