Aktual mövzular: Dollar alış-satışı, Neftin qiyməti, COP29, Hava proqnozu

Qazimizlə görüşülüb və dəstək işləri aparılır

Tarix: 28 Yanvar 2021 16:58

Əmək və Əhalinin Sosial Müdafiəsi Nazirliyinin əməkdaşları Vətən müharibəsinin qazisi Abdurahmanov Dəniz Əziz oğlunu ziyarət ediblər.

Nazirlikdən Sonxeber.net-a verilən məlumata görə, Zaqatala rayonu, Lahıc kənd sakini olan D.Abdurahmanov döyüşlərdə yaralanıb və hazırda müalicəsini evdə, ailəsinin yanında davam etdirir.

Qazinin ailənin sosial vəziyyəti öyrənilib. 24 yaşlı Dəniz özü müddətdən artıq xidmət edən hərbi qulluqçu kimi çalışıb. Atası müharibə veteranı kimi aylıq təqaüdlə təmin olunur, anası evdar qadındır. Dəstək məqsədilə ilk növbədə ailə üçün özünüməşğulluq proqramı çərçivəsində kiçik təsərrüfat yaradılması qərara alınıb. Eyni zamanda, qazinin əlilliyinin qiyimətləndirilməsi aparılacaq və əlillik dərəcəsi təyin edildiyi halda ona birdəfəlik sığorta ödənişi, aylıq əsasda sosial ödənişlər təyin olunacaq.

Bu barədə Dənizə və ailə üzvlərinə məlumat verilib, onların yaşayışının diqqətdə saxlanacağı bildirilib.

Whatsapp ilə göndər