Aktual mövzular: Dollar alış-satışı, Neftin qiyməti, COP29, Hava proqnozu

''Qarabağ'' ''Riqa'' kimi axmaq səhvlər etmir'' - ''Dundalk''ın baş məşqçisi

''Qarabağ'' ''Riqa'' kimi axmaq səhvlər etmir'' - ''Dundalk''ın baş məşqçisi

Tarix: 23 Iyul 2019 14:44

"Qarabağ" "Dundalk"ın son 7 mövsümdə avrokubokların təsnifat mərhələsində qarşılaşacağı ən güclü komandadır".

Qol.az-ın İrlandiya mətbuatına istinadən yaydığı xəbərə görə, bu sözləri "Qarabağ"ın Çempionlar Liqasının 2-ci təsnifat mərhələsindəki rəqibi "Dundalk"ın baş məşqçisi Vinni Pert deyib. Ağdam klubu ilə bağlı fikirlərini açıqlayan 42 yaşlı mütəxəssis güclü rəqiblə qarşılaşacaqlarını bildirib:

"Qarabağ"ın futbolçuları çox sürətli və texnikalıdır. Əsasən qısa ötürmələrdən istifadə edirlər. Bu mənada çox güclü komandadır. "Qarabağ" "Riqa" deyil. Oyuna yüksək konsentrasiya ilə çıxırlar və axmaq səhvlərə yol vermirlər. Məncə, əsas amil də məhz budur.

"Qarabağ" həqiqətən mürəkkəb rəqibdir. Ancaq Azərbaycanda mövsüm hələ başlamayıb, komanda yalnız avrokuboklarda rəsmi oyunlar keçirib. Bizdə isə çempionat davam edir. Futbolçularımız lazım olan məqamlarda sürəti qaldıra bilirlər. Biz bunu yenidən etməliyik".

Qeyd edək ki, "Qarabağ"la "Dundalk" arasında ilk oyun sabah Dublində keçiriləcək və Bakı vaxtı ilə saat 22:45-də başlayacaq. Cavab matçı isə 1 həftə sonra "Dalğa Arena"da olacaq və yerli vaxtla 21:00-da start götürəcək.

 


Etiketlər:  Qarabağ Riqa kimi axmaq səhvlər etmir Dundalkın baş məşqçisi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ