Aktual mövzular: Dollar alış-satışı, Neftin qiyməti, COP29, Hava proqnozu

DİN-dən 8 Martda aksiya keçirmək istəyən qadınlara xəbərdarlıq

Tarix: 6 Mart 2021 16:50

Bakıda bir qrup qadının 8 Mart - Beynəlxalq Qadınlar günündə yürüş keçirmək istəməsi ilə bağlı məlumatlar yayılıb.

Yürüşün paytaxtın Fəvvarələr meydanından başlayaraq Azad qadın heykəlinə kimi keçirilməsi, "8 marş - Haqlarımız uğrunda!" şüarının səsləndirilməsi nəzərdə tutulub.

Sonxeber.net xəbər verir ki, məsələ ilə bağlı DİN Mətbuat Xidmətinin rəisi Ehsan Zahidov qafqazinfo-ya açıqlamasında bildirib ki, yerli icra hakimiyyəti orqanları ilə razılaşdırılmayan hər hansı kütləvi aksiyaya icazə verilmir:

"Xüsusən xüsusi karantin rejimi qüvvədə olduğu dönəmdə hər hansı kütləvi aksiyanın təşkili və keçirilməsi hüquqi məsuliyyət yaradır. Əgər bu istiqamətdə hər hansı addım atılarsa, polis bunun qarşısını alacaq".

Qeyd edək ki, Bakı Şəhər İcra Hakimiyyəti də yürüşün keçirilməsinə razılıq verməyib.

Whatsapp ilə göndər