Aktual mövzular: Dollar alış-satışı, Neftin qiyməti, COP29, Hava proqnozu

“Apple” apreldə yeni “iPad” modellərini təqdim etməyi planlaşdırır

Tarix: 27 Mart 2021 22:40

ABŞ-ın "Apple" şirkəti apreldə yeni "iPad" modellərini təqdim etməyi planlaşdırır. Bu barədə vəziyyətlə tanış mənbələrə istinadən "Bloomberg" agentliyi məlumat verib.

Sonxeber.net techland.az-a istinadən bildirir ki, "Apple" korporasiyası təkmilləşdirilmiş prosessor və kameralar əlavə etməklə "iPad Pro" istehsal xəttini yeniləməyə hazırlaşır. Agentlik yazır ki, yeni modellər indiki "iPad Pro" qurğularına oxşar olacaq və displeyin ölçüləri olduğu kimi (11 x 12,9 düym) saxlanılacaq.

1976-cı ildə təsis edilmiş "Apple" korporasiyası fərdi və planşet kompüterlərin, audiopleyerlərin, telefonların, "ağıllı" saatların istehsalı və proqram təminatının hazırlanması ilə məşğul olur. Şirkət ötən ilin oktyabrında 4 yeni smartfon modelini təqdim edib: "iPhone 12" və "iPhone 12 mini", həmçinin "iPhone 12 Pro" və "iPhone 12 Pro Max".

Whatsapp ilə göndər