Olimpiadalarda Fəridə Əzizovadan yeni, Mariya Stadnikdən şərikli rekord - STATİSTİKA

Tarix: 8 May 2021 16:42

Azərbaycan taekvondoçusu Fəridə Əzizova Tokio Yay Olimpiya Oyunlarına lisenziya qazanmaqla rekorda imza atıb.

Sonxeber.net apasport.az-a istinadən xəbər verir ki, London-2012 və Rio-2016-nın iştirakçısı ardıcıl 3-cü dəfə bu multiidman yarışının iştirakçısı olacaq.

Azərbaycan qılıncoynadanı Tokio-2020-yə lisenziya qazanıb
Tokio-2020 ləğv oluna bilər

Fəridə ən azı üç Olimpiadada iştirak edəcək 12-ci Azərbaycan idmançısıdır. Siyahıya düşən yeganə taekvondoçu kimi öz idman növündə tək olan atletimiz həm də yaşına görə rekord vurub.

O, 26 yaşında özünün 3-cü Olimpiadasına qatılacaq. Bu, Azərbaycan idmançıları arasında mütləq rekorddur.

Fəridəyə qədər 3-cü dəfə Olimpiya Oyunlarına qatılan ən gənc idmançı Nizami Paşayev idi. O, 27 yaşında buna nail olmuşdu. "Üç"ü fəth edən ən gənc idmançımız növbəti Olimpiadanı da cəmi 3 il gözləməlidir.

Ümumilikdə isə siyahıda yer alan 12 idmançıdan ikisi cədvəldəki göstəricisini Tokioda rəsmiləşdirəcək. "12-lik"dən ikisi 4, onu 3 yarışın iştirakçısıdır. Tokio-2020-yə qədər mütləq rekord güllə atıcısı İradə Aşumovaya məxsusdur. Dörd Olimpiadaya qatılan snayperin göstəricisini Mariya Stadnik təkrarlayacaq. Qarşıdakı yarışa lisenziya qazanan güləşçimiz rekorda şərik çıxacaq.