Aktual mövzular: Dollar alış-satışı, Məzənnə, Neftin qiyməti

Səudiyyə Ərəbistanı builki Həcc ziyarətinin ilkin şərtlərini açıqlayıb

Tarix: 10 May 2021 19:54

Səudiyyə Ərəbistanının Həcc və Ümrə Məsələləri Nazirliyi bəyan edib ki, builki Həcc ziyarəti "xüsusi şərtlər" altında həyata keçiriləcək.

Milli.Az AZƏRTAC-a istinadən bildirir ki, nazirliyin sözçüsü keçirdiyi mətbuat konfransında krallıqda Həcc ziyarətinin təhlükəsiz şəraitdə keçirilməsi üçün Səudiyyə Ərəbistanının Səhiyyə Nazirliyi tərəfindən bütün zəruri tədbirlərin görüldüyünü deyib. O, bu il keçiriləcək Həcc ziyarətinin detallarını açıqlayaraq qeyd edib ki, ötən il ziyarət məhdud sayda zəvvarın iştirakı ilə təşkil olunub. Bu il isə onların sayının artırılması nəzərdə tutulur. Yeni şərtlərə görə, Həcc ziyarəti zamanı dini ayinlərdə iştirak edəcək yerli sakinlər 7 gün əvvəl ev şəraitində karantin müddəti keçməlidir. Əcnəbi zəvvarlar isə bu müddəti qruplar halında qaldıqları otellərdə keçirəcəklər.

Nazirlik rəsmisi əlavə edib ki, 50 nəfərdən ibarət olacaq zəvvar qruplarına rəhbərlər təyin ediləcək və onlar təhlükəsizlik tədbirləri, o cümlədən qoruyucu maskaların taxılması, sosial məsafəyə riayət olunmasına nəzarət edəcəklər.

Milli.Az

Whatsapp ilə göndər