Aktual mövzular: Dollar alış-satışı, Neftin qiyməti, COP29, Hava proqnozu

ABŞ-ın prezidenti Texasdakı silahlı insidentdən yazıb

Tarix: 4 Avqust 2019 06:12

Bakı. Trend:

ABŞ-ın prezidenti Donald Tramp Texasda baş vermiş silahlı insidentə münasibət bildirib.

Trend-in məlumatına görə, Tramp da hadisə ilə bağlı şəxsi “Twitter” səhifəsi vasitəsilə verdiyi açıqlamada say bildirməsə də, ölənlərin olduğunu təsdiqləyib.

"Texas ştatının El Paso şəhərində dəhşətli atışma olub. Çox pis xəbər oldu. Çox sayda insan öldürülüb. Dövlət və yerli hakimiyyət orqanları ilə, eləcə də aidiyyəti orqanlarla intensiv əlaqə yaradılır”, - o,“Twitter” səhifəsində yazıb.

Qeyd edək ki, "Walmart” ticarət mərkəzində baş verən silahlı insident zamanı 19 nəfər ölüb, 40 nəfər yaralanıb.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər