“Delta” koronavirusun ən yoluxucu variantıdır

Tarix: 27 Iyun 2021 20:27

"Hazırda koronavirusun "Delta ştammı" azı 85 ölkədə mövcuddur, peyvənd edilməmiş əhali arasında sürətlə yayılır".

Sonxeber.net medicina.az-a istinadən bildirir ki, bunu Ümumdünya Səhiyyə Təşkilatının (ÜST) Baş direktoru Tedros Adanom Qebreyesus Cenevrədə keçirdiyi brifinqdə deyib.

ÜST rəhbəri "Delta"nı COVID-19 mutasiyaları arasında təsbit edilən ən yoluxucu variant adlandırıb: "Bir sıra ölkələrdə koronavirus pandemiyası ilə əlaqəli məhdudiyyətlərin yumşaldılması fonunda dünyada COVID-19-un yayılması güclənir. Nə qədər çox yoluxma halları varsa, bir o qədər çox seçim var. Bu baxımdan "COVID-19-un yayılmasının qarşısını almaq üçün bütün mövcud vasitələrdən istifadə edilməlidir".

Qebreyesus bildirib ki, məhz buna görə də bütün ölkələrdə peyvəndləmə prosesini bərabər təmin etmək vacibdir.