Rəqsanədən ərinə səmimi etiraf

Tarix: 12 Iyul 2021 15:00

"Yaşadıqlarım bir dərsdir, onları unutmaq olmaz. Təcrübəsiz vaxtı, yaşımız az olub etmişik. O qədər tanınmırdım. Reytinq xatirinə edirdik ki, bizi hər yerdə göstərsinlər. Bir adam yox idi çıxıb desin, bu olmaz".

Sonxeber.net axşam.az-a istinadən xəbər verir ki, bu sözləri müğənni Rəqsanə İsmayılova "ATV maqazin onlarla" proqramında deyib. "33 sual" rubrikasının qonağı olan sənətçi ailə həyatından danışıb:

"Həyat yoldaşımla 2012-ci ildə tanış olub, 2014-cü ildə ailə qurmuşuq. 3 ay onunla restoranda oturub çay içib, hərəmiz öz evimizdə getmişik. Ona dedim ki, əlimə mikrofon alanda 10 min qazanıram, ətrafımda çörək verdiyim adamlar var. Pula görə kimləsə münasibət quran deyiləm. İstəyirəm ailəm olsun. Həm qiptə oluna biləcək müğənni, həm də qadınam. Mən təqvimlə toy idarəe dirəm. Azərbaycandan axışıb gələnlər mənim idarə etdiyim toylarda ola bilməz.

Ailə büdcəsi mənim əlimdədir. Amma yoldaşım mənim qazancıma əl vurmur. Mənə maşın alıb, amma heç vaxt avtomobilimdə oturmayıb. Deyir, mən kişiyəm, qadın maşınında oturmaram".

Rəqsanə iki dəfə övladını itirdiyini etiraf edib:

"İndi 4 övladım var. Müğənni olmasaydım çox uşaq dünyaya gətirərdim. Qara qızlar, qara oğlanları düzərdim. Yoldaşım deyir iki qızımız da olsun. Bir neçə il əvvəl 6 aylıq övladımı itirdim. Çox pis günlər yaşadım. Xəstəxanaya hamilə girdim, çıxanda uşağım yox idi. İki dəfə övlad itirməyi ağır yaşadım. Bizim ailədə böyük faciə yaşandı. İndiyənə qədər də yoldaşımla həmin yaramızı sağalda bilmirik. Bəlkə etdiyimiz yaxşılıqlara görə, sonra istədiyimizi bizə verdi. Amma elə bilirəm ki, qoyduğum övladım hələ də xəstəxanada yaşayır".

Qeyd edək ki, bir müddət əvvəl Rəqsanənin övladını itirdiyi xəbəri yayılmışdı. Sənətçi isə bunu inkar etmişdi.