Samuxda toy üçün nəzərdə tutulan qaydaları pozanlar cərimələnib - FOTO

Tarix: 29 Iyul 2021 08:38

Samux rayon Polis Şöbəsinin (RPŞ) əməkdaşları inzibati ərazilərində xidmət aparan zaman, rayonun Ziyadlı, Çobanabdallı kəndlərində və Qarayeri qəsəbəsində karantin qaydalarının pozularaq toy məclisi keçirilməsini aşkar edib.

Daxili İşlər Nazirliyinin Mətbuat xidmətinin Gəncə regional qrupundan Sonxeber.net-a verilən məlumata görə, araşdırmalar zamanı məlum olub ki, hər 3 ünvanda ev sahibləri 50 nəfərdən artıq qonaq çağırmaqla övladına toy mərasimi təşkil edib.

Azərbaycanda son sutkada 99 nəfər COVID-19-a yoluxub, 53 nəfər sağalıb, 1 nəfər vəfat edib - VİDEO
"Neftçi" "Dinamo" ilə oyunun bilet satışından əldə olunan gəlirin yarısını Qarabağ Dirçəliş Fonduna ianə edəcək
Tələbələrin köçürülməsi üzrə sənəd qəbulu yekunlaşıb
Polis əməkdaşları iştirakçılarla profilaktiki söhbətlər apararaq karantin qaydalarını xatırladıb və mərasim təşkilatçıları barədə inzibati protokol tərtib edib.

Bundan başqa rayon ərazisində fəaliyyət göstərən "Sərinim" və "Paris" şadlıq saraylarında keçirilən toy mərasiminə olunan qonaqların COVID-19 pasportu olub-olmaması yoxlanılıb. Araşdırmalar zamanı COVID-19 pasportu olmayan 45 nəfər restorana buraxılmayıb.