Aktual mövzular: Dollar alış-satışı, Neftin qiyməti, COP29, Hava proqnozu

Dünyada koronavirusa qarşı 4 milyard 700 milyon dozadan çox vaksin vurulub

Tarix: 16 Avqust 2021 23:40

Avqustun 16-dək dünya üzrə COVID-19 virusuna qarşı vurulan peyvənd dozalarının sayı 4 milyard 700 milyonu ötüb.

Sonxeber.net AZƏRTAC-a istinadən bildirir ki, Çin 1 milyard 850 milyon doza ilə dünya ölkələri arasında birinci yerdədir. İkinci və üçüncü yerlərdə qərarlaşan Hindistanda 543 milyon 850 min, ABŞ-da 355 milyon 770 min doza peyvənd vurulub.

Vurulan vaksin dozalarının sayına görə ilk onluğa, həmçinin Braziliya (163 milyon 450 min), Yaponiya (108 milyon 180 min), Almaniya (97 milyon 260 min), Böyük Britaniya (87 milyon 630 min), Türkiyə (84 milyon 58 min), İndoneziya (81milyon 410 min) və Fransa (79 milyon 840 min) daxildir.

COVID-19 pandemiyasının statistikasını aparan "Worldometer" portalının bu gün saat 19:30 radələrinə olan məlumatına əsasən, dünya üzrə yoluxanların sayı 208 milyon 227 mini keçib, 4 milyon 379 mindən çox insan həyatını itirib, sağalananların sayı isə 186 milyon 690 min nəfərə yaxınlaşıb.

Whatsapp ilə göndər