Kabildən barkodlu təxliyyə...

Tarix: 23 Avqust 2021 23:36

"Taliban"ın Əfqanıstanın paytaxtı Kabili ələ keçirməsindən sonra Həmid Qərzai Beynəlxalq Hava Limanından təxliyyələr davam edir.

Sonxeber.net "qafqazinfo"-ya istinadən xəbər verir ki, ABŞ-ın təxliyyə üçün son tarixin 31 avqust olduğunu açıqlamasından sonra proses daha da sürətlənib.

Əfqanıstanda işləyən vətəndaşlarını və onlar üçün çalışan əfqanları təxliyyə etmək üçün gərgin rejimdə aparılan xidmət zamanı qarışıqlıq yaşanmaması üçün təhlükəsizlik qüvvələri müxtəlif tədbirlər görürlər.

Hava limanında təxliyyə edəcəkləri şəxslərə üzərində barkod olan qolbaqlar taxan ABŞ hərbçiləri təyyarəyə minməmişdən əvvəl insanların biləyindəki barkodu oxudaraq, sistemdə qeydiyyata alırlar.