Günün transfer xəbərləri: Türk futbolçu Fransa klubunda

Tarix: 28 Avqust 2021 12:26

Yay "transfer pəncərəsi" dönəmindən istifadə edən Avropa klubları futbolçu alış-verişinə davam edir. 

Sonxeber.net fanat.az-a istinadən xəbər verir ki, "Sport Bild"nəşri: "Bayern Münhen" Münhenqladbaxın "Borussiya" klubunun müdafiəçisi Matias Qinterlə (Matthias Ginter) maraqlanır. 

"Sky Sposrts" saytı: "Everton" "Brayton"un hücumçusu Nil Mopu (Neil Maupe) Rişarlisonun (Richarlison) əvəzləyicisi kimi görür. Rişarlison isə PSJ-də Kilian Mbappenin (Kylian Mbappe) yerinə nəzərdə tutulur.

Baştutmuş transfer xəbərləri:

Yurgen Ekelenkamp (21 yaşlı yarımmüdafiəçi)

"Ayaks"dan (Hollandiya)  "Herta"ya (Almaniya) keçidi baş tutdu.
Transfer məbləği 3 milyon avro olan futbolçu müqaviləsini 2024/25 mövsümünün sonuna qədər imzalayıb.

Doğan Alemdar (18 yaşlı qapıçı)

"Kayserispor"dan (Türkiyə)  "Renn" (Fransa) klubuna transfer olunub
Transfer məbləği 3,5 milyon avro olan futbolçu müqaviləsini 2025/26 mövsümünün sonuna qədər imzalayıb.

Alen Xəliloviç (Alain Haliloviç) (25 yaşlı xorvat oyunçu)

"Birmingem"dən (İngiltərə)  "Redinq"ə (İngiltərə) keçib.

Azad agent qismində keçən futbolçu müqaviləsini 2021/22 mövsümünün sonuna qədər imzalayıb.

Mussa Sissoko (32 yaşlı yarımmüdafiəçi)

"Tottenhem"dən (İngiltərə)  "Uotford" (İngiltərə) klubuna keçib.
Transfer məbləği 5 milyon funt sterlinq olan futbolçu müqaviləsini 2022/23 mövsümünün sonuna qədər imzalayıb.

Pap Matar Sarr (18 yaşlı yarımmüdafiəçi)

"Metz"dən (Fransa) - "Tottenhem"ə (İngiltərə) keçib.
Transfer məbləği 15 milyon avro olan fubolçu klubla 5 illik müqavilə imzalayıb.