Bolqarıstanda koronavirusa qarşı yeni məhdudiyyətlər tətbiq olunacaq

Tarix: 3 Sentyabr 2021 21:08

Bolqarıstanda əhali arasında peyvəndlənmə zəif aparılması ilə əlaqədar yeni məhdudiyyətlər tətbiq ediləcək.

Sonxeber.net AZƏRTAC-a istinadən bildirir ki, sentyabrın 7-dən oktyabrın 31-dək kinoteatrların, teatrların və konsert zallarının yalnız 50 faizi, fitnes mərkəzlərinin, idman zallarının və hovuzların isə yalnız 30 faizinin dolmasına icazə verilir. Kafe və restoranların fəaliyyəti saat səhər 7-dən axşam 11-ə kimi məhdudlaşdırılacaq. Altı nəfərdən çox müştərinin bir masada oturmasına icazə verilmir.

İştirakçıların dəqiq sayı olmayan bütün kütləvi tədbirlərin keçirilməsi qadağandır. Sahibkarlara, şirkət rəhbərlərinə işçilərinin 50 faizinin onlayn rejimə keçirmək tövsiyə edilib.

Məktəblərdə və universitetlərdə dərslər vaxtında başlayacaq, ancaq qeyd olunur ki, hər an yeni məhdudiyyətlər tətbiq edilə bilər. Uşaq mərkəzləri və klublar müvəqqəti olaraq bağlanıb.

Qeyd edək ki, Bolqarıstan Səhiyyə Nazirliyinin məlumatına görə, pandemiya başlayandan ölkədə 457 min koronavirus virusuna yoluxma halı qeydə alınıb, 18 min 950 nəfər həyatını itirib.