Aktual mövzular: Dollar alış-satışı, Neftin qiyməti, COP29, Hava proqnozu

Çində bir litr yarım “Cola” içən gənc öldü

Çində bir litr yarım “Cola” içən gənc öldü

Tarix: 24 Sentyabr 2021 23:46

10 dəqiqə ərzində bir litr yarım "Cola" içən Çin sakini növbəti gün dünyasını dəyişib.

Sonxeber.net "qafqazinfo"-ya istinadən xəbər verir ki, bu barədə "Daily Mail" yazıb. Qazlı içkini içdikdən 6 saat sonra 22 yaşlı kişi mədəsində şiddətli ağrı və şişkinlikdən şikayətlə Pekin xəstəxanasına müraciət edib. Həkimlər ona pnevmatoz - bağırsaq divarında hava kistlərinin əmələ gəlməsi və qaraciyər işemiyası diaqnozu qoyublar.

Bundan əlavə, gəncin ürək döyüntüsü və tənəffüsü zəifləyib, qan təzyiqi isə düşüb. 12 saatdan sonra qan analizləri onun qaraciyərinin ağır zədələndiyini göstərib. Daha sonra vəziyyəti pisləşən şəxs klinikaya getdikdən 18 saat sonra ölüb.

Çinli həkimlər hesab edir ki, pasiyent "Cola"nı sürətlə içdiyi üçün orqanizmə xeyli miqdarda karbon qazı yığılıb. Bu isə qaraciyərdə oksigen çatışmazlığına və ölümə səbəb olub. Tibb işçiləri, həmçinin, əlavə ediblər ki, qaraciyərin əsas qan damarlarından biri olan portal damara bağırsaqlardan qan sızıb.

Londonlu bio-kimyaçı natan Devis isə hesab edir ki, gənc bədəndə qazların yığılmasına səbəb olan bakterial infeksiyadan dünyasını dəyişib.


Etiketlər:  Çində litr yarım Cola içən gənc öldü


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ