ABŞ-da təyyarə yaşayış binalarının üzərinə düşüb, ölən və yaralananlar var - VİDEO - FOTO

Tarix: 12 Oktyabr 2021 08:06

ABŞ-ın Santi şəhərində (Kaliforniya ştatl) iki mühərrikli təyyarənin qəzaya uğraması nəticəsində ən azı iki nəfər ölüb, bir neçə evə ziyan dəyib.

Santi şəhərinin Yanğından Mühafizə Xidmətinin rəis müavini Castin Matsuşita qeyd edib ki, ən azı iki nəfərin ölməsi təsdiqlənib.

O əlavə edib ki, qəzaya uğrayan "Cessna 340A" təyyarəsində neçə nəfərin olduğu bəlli deyil: "Təyyarədə olanların aldıqları xəsarətlərin həyatla uyğun olmadığını hesab edirik".

ABŞ Federal Aviasiya Administrasiyasının sözçüsü də öz növbəsində təyyarədə olanların sayının dəqiqləşdirildiyini bildirib.

Qəza nəticəsində iki binada yanğın baş verib. Düşərgədəki bütün şagirdlərin təhlükəsiz yerə təxliyə edildiyi bildirilib.

Hadisə ilə bağlı istintaq başladılıb.