Aktual mövzular: Dollar alış-satışı, Neftin qiyməti, COP29, Hava proqnozu

8 ildir davam edən milyonluq boşanma baş tutdu

Tarix: 21 Noyabr 2021 04:35

Türkiyənin məşhur cütlüklərindən olan Feryal Gülmanla Kemal Gülmanın 8 ildir davam edən boşanma prosesi başa çatıb.

Sonxeber.net Axşam.az-a istinadən xəbər verir ki, Feryal həyat yoldaşının ona xəyanət etdiyini deyərək, ayrılma qərarı alıb. Feryal iddia edib ki, əri özündən 22 yaş kiçik qızla eşq yaşayır.

Ərinə aid olan şirkətlərin yarısının əlindən alınmasını istəyən Gülman 200 milyon lirəlik təzminatla yanaşı, özü üçün 200 min, övladı Kemal Aslan üçün isə 25 min lirə aylıq təzminat istəyib. Kemal isə arvadının bu iddialarına qarşılıq, ona "pis davranma" iddiası ilə 500 min lirəlik təzminat davası açıb.

8 ildir davam edən məhkəmənin son gününə Gülman cütlüyü qatılmayıb. Hər iki tərəfi vəkilləri təmsil edib. Hakim Feryalı haqlı bilib. Məhkəmə Kemal Gülmanın 30 milyon lirə maddi, 30 milyon lirə isə mənəvi təzminat ödəməsinə qərar verib.

Whatsapp ilə göndər