ABŞ-da brend mağazalarda qeyri-adi soyğun

Tarix: 24 Noyabr 2021 11:26

ABŞ-da qeyri-adi soyğunçuluq dalğası qeydə alınıb - kütlə mağazaya axışır, rəflərdəki malları sözün əsl mənasında silib-süpürür, qənimətlərini avtomobillərə yığıb tez cinayət yerindən yoxa çıxırlar.

Sonxeber.net Oxu.az-a istinadən xəbər verir ki, belə bir basqının son hədəflərindən biri Kaliforniyadakı böyük Nordstrom univermağı olub.

Belə ki, ilkin hesablamalara görə, təxminən 80 nəfər içəri soxularaq iki mağaza işçisinə hücum ediblər, onların gözlərinə bibər qazı sıxıblar. Bundan sonra həmin şəxslər malları götürüblər və avtomobillərlə naməlum istiqamətə gediblər.

Sonxeber.net Oxu.az-a istinadən xəbər verir ki, polis hadisəni "mütəşəkkil oğurluq" adlandırıb və bir sıra mağazaların koordinasiyalı quldur qrupları tərəfindən hədəf alındığını təsdiqləyib.

"Oğrular "Louis Vuitton", "Burberry" və "Bloomingdale's", "Yves Saint Laurent" kimi brend mağazaları qarət ediblər.

Polis bəzi mağazalarında oğurluğun qarşısını ala bilib.

Hüquq-mühafizə orqanları bu oğurluqların arxasında kimin dayandığını hələ tapa bilməyiblər, lakin şübhəlilərdən üçünün saxlanıldığı təsdiqlənib.

Hazırda səlahiyyətlilər satış məntəqələrinin təhlükəsizliyini təmin etmək üçün əlavə qüvvələr cəlb etməyi düşünürlər və müstəntiqlər bütün quldurları müəyyən etmək üçün müşahidə videolarını araşdırırlar.