Aktual mövzular: Dollar alış-satışı, Məzənnə, Neftin qiyməti

Merkel məni əsəbiləşdirirdi... – Yunker

Merkel məni əsəbiləşdirirdi... – Yunker

Tarix: 4 Dekabr 2021 19:40

Avropa Komissiyasının keçmiş sədri Jan-Klod Yunker vəzifəsi ilə vidalaşan Almaniya kansleri Angela Merkelin onu ən çox əsəbiləşdirən cəhətindən danışıb.

Milli.Az teleqraf.com-a istinadən bildirir ki, siyasətçi bu barədə "Die Welt" qəzetinə müsahibəsində söz açıb.

"Mən onu Avropanın problemlərinə görə günahlandırmıram, amma bəzən məni əsəbiləşdirirdi ki, o, bu gün baş verənləri anlamaq üçün bu qədər vaxta ehtiyac duyur", - Avropa Komissiyasının keçmiş rəhbəri 2015-ci ildə miqrasiya böhranının ən yüksək gərginlik həddinə istinad edərək izah edib.

Yunker eyni zamanda, Merkelin doğru zamanda doğru yerdə olduğuna əminliyini də vurğulayıb.

Yunker darıxacağını da etiraf edib, çünki onun sözlərinə görə, Merkel hər kəsi dinləmək və eyni dərəcədə diqqət yetirmək qabiliyyətinə sahibdir. Bundan əlavə, onun heç vaxt ümumi fondan seçilməyə çalışmadığını söyləyib.

Merkel dekabrın 8-də xələfi Olaf Şolz seçildikdən sonra Almaniya kansleri vəzifəsindən gedəcək.

Milli.Az


Etiketlər:  Merkel məni əsəbiləşdirirdi Yunker


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ