Aktual mövzular: Dollar alış-satışı, Neftin qiyməti, COP29, Hava proqnozu

Cim Kerri də karyerasını başa vurur

Tarix: 1 Aprel 2022 15:44

Amerikalı-kanadalı aktyor Cim Kerri aktyorluq karyerasını başa vurmaq qərarına gəlib.

Sonxeber.net qafqazinfo-ya istinadən xəbər verir ki, bu barədə o, "Access Hollywood" nəşrinə danışıb. 60 yaşlı aktyor təqaüdə çıxmaq və sakit həyat tərzi sürmək istədiyini deyib:

"Karyeramı davam etdirə bilərdim. Amma mənə sakit həyatım çox xoşuma gəlir. Mən kətanda rəsm çəkməyi sevirəm, öz mənəvi həyatımı sevirəm.

Ola bilsin, bunu başqa ulduzdan eşitməyəcəksiniz - hiss edirəm ki, məndən bu qədər bəsdir. Mən yetərincə iş görmüşəm".

O əlavə edib ki, həqiqətən görkəmli layihədə rol almaq təklifi alsa, razılaşa bilər: "Amma əgər mələklər qızıl mürəkkəblə yazılmış hansısa ssenari gətirsə, başa düşəcəyəm ki, insanlara bunu görmək çox vacib olacaq, onda, ola bilsin, qayıdaram".

Qeyd edək ki, aktyorun iştirak etdiyi sonuncu film "Sonic the Hedgehog 2" aprelin 8-də ekranlara çıxacaq. C. Kerri ən populyar komediya aktyorlarından biri sayılır.

Whatsapp ilə göndər