Aktual mövzular: Dollar alış-satışı, Neftin qiyməti, COP29, Hava proqnozu

Volodimir Zelenski: ''Putinlə görüş olmaya bilər''

Tarix: 5 Aprel 2022 12:26

"Putinlə (Rusiya Prezidenti Vladimir Putini nəzərdə tutur - "Report") görüş olmaya bilər".

Sonxeber.net "Report"a istinadən xəbər verir ki, bunu Ukrayna Prezidenti Volodimir Zelenski aprelin 5-də ümum-Ukrayna telemarafonu zamanı jurnalistlərə müsahibəsində bildirib.

Ukrayna lideri Buça şəhərində baş verən faciədən sonra Rusiya ilə danışıqları davam etdirməyin vacib olduğunu söyləyib: "Qısası, bu gün heç nədən danışmayaq demək daha asandır. Ən çətini onların etdiklərini söyləmək, onları düşmən kimi tanımaq, imkan tapıb görüşmək və çıxış yolu tapmaq, eyni zamanda öz ərazilərini itirməməkdir".

Ukraynanın dövlət başçısı qisasın qaçılmaz olduğunu vurğulayıb: "Bizim insanlara işgəncə vermiş həmin cinayətkarlarla daxili işimiz var. Onları tapmaq üçün barələrində informasiya toplamağa başlamışıq. Həmin cinayətkarların tapılmasını istəyən insanlar var. Beynəlxalq qanunvericilik bu məsələdə bizə kömək etməzsə, biz onları Ukrayna qanunları ilə mühakimə edəcəyik".

Whatsapp ilə göndər