Aktual mövzular: Dollar alış-satışı, Neftin qiyməti, COP29, Hava proqnozu

Ələtdəki Mədəniyyət evi baxımsız haldadır - VİDEO

Ələtdəki Mədəniyyət evi baxımsız haldadır - VİDEO

Tarix: 6 Aprel 2022 20:32

Qaradağ rayonu, Ələt qəsəbəsi, Dəmiryolçular küçəsində yerləşən şəhid Zaur Qurbanovun adını daşıyan Mədəniyyət evi baxımsız haldadır.

Sonxeber.net Xəzər TV-yə istinadən xəbər verir ki, mədəniyyət evinin döşəmələri sökülüb, tavanı isə uçub.

Sakinlər deyirlər ki, qəsəbənin yeganə mədəniyyət evi illərdir baxımsız vəziyyətdə qalıb.

Mədəiyyət evi ilə yanaşı onun qarşısında yerləşən, Nəriman Nərimanovun adını daşıyan 2,5 hektarlıq park da uzun müddətdir eyni aqibəti yaşayır.

Məsələ ilə bağlı qəsəbə bələdiyyəsinə getdik. Bələdiyyə sədri Azad Musayev bildirdi ki, Mədəniyyət evi və park "Azərbaycan Dəmir Yolları" QSC-nin balansındadır. Sözügedən məkanların abadlaşdırılması üçün aidiyyəti üzrə müraciət edilib.

Mədəniyyət evi və parkın nə zaman abadlaşdırılacağını dəqiqləşdirmək üçün Azərbaycan Dəmir Yolları" QSC ilə də əlaqə saxladıq. Qurum məsələyə münasibət bildirməkdən imtina etdi.


Etiketlər:  Ələtdəki Mədəniyyət baxımsız haldadır VİDEO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ