Aktual mövzular: Dollar alış-satışı, Neftin qiyməti, COP29, Hava proqnozu

Muğam Mərkəzində Firəngiz Əlizadənim kamera-instrumental əsərləri səsləndirilib - FOTO

Muğam Mərkəzində Firəngiz Əlizadənim kamera-instrumental əsərləri səsləndirilib - FOTO

Tarix: 3 Iyun 2022 17:39

İyunun 1-də Beynəlxalq Muğam Mərkəzində Xalq artisti,  UNESCO-nun "Sülh artisti", AMEA-nın müxbir üzvü, "Şərəf" və "Söhrət" ordenli, professor Firəngiz Əlizadənin yubileyinə həsr olunmuş musiqi festivalı çərçivəsində bəstəkarın kamera-instrumental əsərlərindən ibarət konsert proqramı təqdim edildi.

Konsertdən əvvəl Leopold və Mstislav Rostropoviçlərin ev muzeyinin icraçı rəhbəri Günay Əliyeva bəstəkarı yubiley münasibətilə təbrik edib, onun Azərbaycan musiqi mədəniyyətinə verdiyi əvəzsiz töhfələrdən, aldığı çoxsaylı mükafatlardan, ölkəmizi bütün dünyada tanıtmasından və bəstələdiyi bənzərsiz əsərlərdən söz açdı.  Musiqişünasın çıxışından sonra Bakı Musiqi Akademiyasının prorektoru, professor Nərminə Əliyeva səhnəyə çıxaraq yubilyarı rektor Fərhad Bədəlbəylinin adından təbrik edərək musiqi mədəniyyətimizdəki xidmətlərindən danışdı.

Beş kamera-instrumental əsərin yer aldığı konserti Qara Qarayev adına Azərbaycan Dövlət Kamera Orkestri, dirijor, Xalq artisti Fəxrəddin Kərimovun rəhbərliyi ilə ifa etdi. Konsertdə ifalardan əvvəl hər bir əsər haqqında məlumat verildi. "Deyişmə II" əsərini müəllif 2005-ci ildə  yazıb. Əsər Almaniyanın "Morgenland" festivalı tərəfindən sifariş olunub və açılış mərasimində ifa edilib. Kontrabas ifaçıları üçün yazılan ən çətin əsər sayılır və müsabiqə proqramlarına daxil edilir.

"Deyişmə II" Bakıda ilk dəfə sələnirdi və Türkiyənin tanınmış kontrabas ifaçısı Onur Özkayanın ifasında təqdim edildi. Konserydə ifa edilən "Oyan! " isə Parisdə keçirilən M.Rastropoviç adına VIII Beynəlxalq violonçel ifaçılarının müsabiqəsi üçün sifariş edilərək bağlanış mərasimində ifa edilib. Əsər Bakıda ilk dəfə isveçrəli ifaçı Marcis Kuplaisin interpretasiyasında səsləndi.

Yubiley tədbirində ifa edilən "Methamorfosis", "Sirius" və "Dance" əsərləri də tamaşaçılar tərəfindən alqışlarla qarşılandı.


Etiketlər:  Muğam Mərkəzində Firəngiz Əlizadənim kamera instrumental əsərləri səsləndirilib FOTO


RƏYLƏR



Populyar Xəbərlər

XƏBƏR LENTİ