Aleksandr Litvinenkonun qətlində ittiham olunan iş adamı koronavirusdan ölüb

Tarix: 4 Iyun 2022 20:40

"Böyük Britaniya hakimiyyətinin qətldə ittiham etdiyi Rusiya vətəndaşı, iş adamı Dmitri Kovtun koronavirusdan ölüb".

Milli.Az "Report"a istinadən bildirir ki, bunu Rusiya Dövlət Dumasının deputatı Andrey Luqovoy bildirib.

"Dmitri Kovtun iyunun 4-də Moskva xəstəxanalarından birində vəfat edib", - o deyib.

Qeyd edək ki, Böyük Britaniya hakimiyyəti Federal Təhlükəsizlik Xidmətinin (FTX) keçmiş, mərhum zabiti Aleksandr Litvinenkonun ölümündə İqor Kovtunu ittiham edir. O, 1965-ci ildə sovet ordusunda xidmət edib. Böyük Britaniya hakimiyyəti İqor Kovtun və Andrey Luqovoyu Litvinenkonun ölümündə günahlandırır. Kovtun ona qarşı irəli sürülən ittihamları təkzib etməyə hazır olduğunu dəfələrlə bildirmişdi. 2017-ci ildə ABŞ Ədliyyə Nazirliyi onu sanksiyalar siyahısına daxil edib.

Xatırladaq ki, Aleksandr Litvinenko Rusiya Federal Təhlükəsizlik Xidmətinin polkovnik-leytenatı rütbəsi ilə istefaya çıxdıqdan sonra Rusiya Prezidenti Vladimir Putin hakimiyyətinin ən fəal tənqidçisi olub. 2000-ci ildə təqiblərdən qurtulmaq üçün Böyük Britaniyaya mühacirət edib. "FTX Rusiyanı partladır" adlı kitabında 1990-cı illərin sonunda Rusiyanı bürüyən terror aktlarını məhz Federal Təhlükəsizlik Xidmətinin törətdiyini bildirib. Onun fikrincə, məsuliyyəti çeçen mücahidlərin üstünə atılan bu terror aktları Vladimir Putini hakimiyyətə gətirmək üçün planlaşdırılmışdı. 2006-cı il noyabrın 1-də Londonda görüş keçirdiyi dostu, Rusiya Dövlət Dumasının deputatı Aleksey Luqovoy tərəfindən zəhərləndiyi bildirilir. Həmin il noyabrın 23-də London xəstəxanalarından birində vəfat edib. Onun ölümünə səbəb kimi tərkibində "Polonium-210" radioaktiv maddə olan zəhər göstərilir.

Milli.Az