Aktual mövzular: Dollar alış-satışı, Neftin qiyməti, COP29, Hava proqnozu

Qərb daha iki ölkəni ''ağuşu''na alır

Qərb daha iki ölkəni ''ağuşu''na alır

Tarix: 10 Iyul 2022 16:32

Rusiyanın Ukraynaya qarşı ədalətsiz hərbi müdaxiləsinin olduğu bir vaxtda Albaniya və Şimali Makedoniyanın Avropa Birliyinə üzvlük yolunda irəliləməsi bütün Avropa qitəsinin həmrəylik və möhkəmliyinin gücləndirilməsinin açarıdır.

Milli.Az Axar.az-a istinadən xəbər verir ki, bu barədə ABŞ Dövlət katibi Entoni Blinken və AB-nin baş diplomatı Jozep Borrellin birgə açıqlamasında bildirilib.

"Hər iki ölkənin ümumi dəyərlərini nəzərə alsaq, AB-yə üzvlük istiqamətində növbəti addımı atmağa hazır olduqlarını söyləmək olar. Eyni zamanda, Albaniya və Şimali Makedoniya arasında azlıqların hüquqları və rəsmi dillə bağlı fikir ayrılığına qarşı atılan irəliləyişləri də müsbət qarşılayırıq. ABŞ və AB Qərbi Balkan ölkələri ilə daha yaxından əməkdaşlıq etməkdə qətiyyətlidir. Biz həm Şimali Makedoniyanın, həm də Albaniyanın maraqlarını və narahatlıqlarını nəzərə alan, qarşılıqlı hörmət, etimad və anlaşmaya əsaslanan kompromis təklifini alqışlayırıq. Şimali Makedoniya parlamentinin suveren qərarı irəliləyiş üçün əhəmiyyətli olacaq", - açıqlamada bildirilib.

Milli.Az


Etiketlər:  Qərb daha ölkəni ağuşuna alır


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ