Aktual mövzular: Dollar alış-satışı, Neftin qiyməti, COP29, Hava proqnozu

Bir əsrdən çox yaşı olan bina sakinlərin yuxusunu ərşə çəkir - VİDEO

Bir əsrdən çox yaşı olan bina sakinlərin yuxusunu ərşə çəkir - VİDEO

Tarix: 10 Iyul 2022 17:46

Bir əsrdən çox yaşı olan binada hələ də yaşayış var. 110 ilin taxtadan inşa edilən iki mərtəbəli binası Tovuzdadır. İndi burada yaşayan 20 ailənin həyatı sözün əsl mənasında çürük taxtalardan asılı qalıb.

Fasadda və evin içərisində iri çatlar var. Tavan və döşəmələr isə get-gedə çökür.

Söhbət Tovuz rayonunun Vaqif küçəsində  110 il əvvəl inşa edilən taxta bina və həyətindəki mənzillərdən gedir. Sement zavodunun fəhlələrinin yataqxanası olan bu bina indi süqut dövrünü yaşayır.Hər açılan sabah, hər dəyişən tarix onlar üçün qorxulu anlarla yaddaşa həkk olur.

Sakinlərin tələbi yeni bina evləri ilə  təmin olunmaqdır. 

Məsələ ilə bağlı Tovuz Rayon İcra Hakimiyyətin Memarlıq və Tikinti Şöbəsinin Baş məsləhətçisi Mübariz Məmmədov "Xəzər xəbər"ə bildirib ki,  sözügedən binadakı mənzillərin biri istisna olmaqla birmərtəbəli tikililər də daxil olmaqla hamısı özəlləşdirilib. Ona görə də heç bir qrumun balansında deyil. İki mərtəbəli bina və ona bitişik tikililər 2013-cü ildə təmir olunub və yenidən inşası layihəyə salınmayıb. 

İcra hakimiyyətinin baş məsləhətçisi  onu da bildirib ki, sözü gedən mənzillər özəlləşdirildiyi  üçün heç bir qurum binaya görə məsuliyyət daşımır. Lakin sakinlər yeni bina ilə təmin olunmaq barədə rayon icra hakimiyyətinə rəsmi məktubla müraciət etsinlər. İcra Hakimiyyəti də aidiyyəti üzrə müraciət edə bilər.


Etiketlər:  əsrdən çox yaşı olan bina sakinlərin yuxusunu ərşə çəkir VİDEO


RƏYLƏR



Populyar Xəbərlər

XƏBƏR LENTİ