Aktual mövzular: Dollar alış-satışı, Neftin qiyməti, COP29, Hava proqnozu

KOB evində göstəriləcək xidmətlərin elektron platforması yaradılacaq

Tarix: 1 May 2019 15:00

Bakı. Ayşəm Rüstəmova - Trend:

KOB evində göstəriləcək xidmətlərin elektron platforması (e-KOB evi) yaradılacaq.

Trend-in məlumatına görə, bunu İqtisadiyyat nazirinin müavini Niyazi Səfərov deyib.

Onun sözlərinə görə, mikro, kiçik və orta sahibkarlıq subyektlərinə yönələn dövlət dəstəyi tədbirlərinin ünvanlılığını təmin etmək üçün Nazirlər Kabinetinin qərarı ilə "Mikro, kiçik, orta və iri sahibkarlıq subyektlərinin bölgüsü meyarları" təsdiq edilib:

“Sahibkarlara 32 dövlət qurumu tərəfindən 110-a yaxın xidmətlərin göstərilməsi, bu xidmətlərin əldə edilməsi üçün konsaltinq dəstəyi göstərən ilk KOB evinin yaradılması mikro, kiçik və orta sahibkarlığın inkişafına müsbət təsir edəcək”.

N.Səfərov bildirib ki, sahibkarların maliyyə resurslarına çıxış imkanlarının artırılması məqəsdi ilə 2018-ci ildə Azərbaycan Kredit Bürosu və Daşınar Əmlakın Yüklülüyü Reyestri fəaliyyətə başlayıb.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər