Azərbaycan ilk növbədə Qazaxıstan üçün strateji əhəmiyyətli tərəfdaşdır

Tarix: 27 Avqust 2022 08:04

Azərbaycan, ilk növbədə, Qazaxıstan üçün strateji əhəmiyyətli tərəfdaşdır.

Sonxeber.net "Report"a istinadən bildirir ki, bu, Qazaxıstanın "Reqistr TV" televiziyasının saytında yer alıb.

Qeyd edilir ki, Azərbaycanla Qazaxıstan arasında qarşılıqlı fəaliyyəti gücləndirmək baxımından 2005-ci ildə Bakıda imzalanmış Strateji tərəfdaşlıq və müttəfiqlik münasibətləri haqqında müqaviləni ikitərəfli əlaqələrin inkişaf istiqamətlərini müəyyən edən əlamətdar, mühüm sənəd hesab etmək olar.

Bu gün - avqustun 27-də Qazaxıstan və Azərbaycan arasında diplomatik münasibətlərin qurulmasının 30 illiyi münasibətilə hazırlanan analitik materialda iki ölkənin diplomatik münasibətlərin qurulmasının ildönümü ərəfəsində Qazaxıstan Prezidenti Qasım-Jomart Tokayevin Bakıya səfəri xüsusi olaraq vurğulanıb. Qeyd edilir ki, Tokayevin Bakıya bir neçə gün əvvəlki səfəri zamanı Qazaxıstanla Azərbaycan arasında strateji münasibətlərin möhkəmləndirilməsi və müttəfiqlik əməkdaşlığının dərinləşdirilməsi haqqında Bəyannamə imzalanıb:

"Ümumiyyətlə, bu gün Qazaxıstan və Azərbaycan dövlətlərarası müqavilələr hökumətlərarası sazişlər də daxil olmaqla, müxtəlif xarakterli 90-a yaxın sənədi özündə əks etdirən geniş müqavilə-hüquqi bazaya malikdir. İki ölkə regional və beynəlxalq əlaqələr çərçivəsində BMT, ATƏT, İƏT, TÜRKSOY kimi təşkilatlarda uğurla qarşılıqlı fəaliyyət göstərir.

Əsrin üçdə birinə yaxın müddətdə hər iki dövlət siyasi, iqtisadi, mədəni-humanitar inkişafda böyük yol keçib, mühüm nəticələr əldə edib, ən əsası isə fundamental məsələlərdə ümumi dil tapıb: məsələn, bu gün Qazaxıstan üçün loqistika marşrutlarının şaxələndirilməsi üçün strateji istiqamət adlandırıla bilən enerji resurslarının nəqli üçün dəhlizlərin qurulmasında. Bakı-Tbilisi-Ceyhan yolu ölkəmizə ildə 1,5 milyon barel Qazaxıstan neftinin dünya bazarına çıxarılmasını vəd edir. Odur ki, Çindən Avropaya ixrac yük axınlarının Transxəzər Beynəlxalq Nəqliyyat Marşrutunun istiqamətləndirilməsi ilə əlaqədar tranzit və nəqliyyat əməkdaşlığının genişləndirilməsi istiqamətində müəyyən inkişaf çox vacib hesab olunur".

Qeyd olunur ki, bu istiqamətdə təkcə Qazaxıstan, Azərbaycan və regionumuzun digər ölkələri deyil, Çin və Avropa İttifaqı da maraqlıdır: "Yaranan təşkilati-texniki məsələlərin vaxtında həlli iki dövlətə bu istiqamətdə sürətlə irəliləyişə imkan verir. Mart ayında Qazaxıstan nümayəndə heyətinin Azərbaycana işgüzar səfəri baş tutub, aprelin sonunda isə artıq nazirlik rəhbərləri səviyyəsində və Transxəzər Beynəlxalq Nəqliyyat Marşrutu nümayəndələrinin iştirakı ilə danışıqlar aparılıb".

İyulun sonunda rəsmi Bakının təşəbbüsü ilə Azərbaycan, Türkiyə, Qazaxıstan xarici işlər nazirlərinin və nəqliyyat sektoru üzrə məsul şəxslərin üçtərəfli görüşü keçirilib: "Görüşdə tərəflər Asiya-Avropa marşrutu üzrə ticarət əlaqələrinin inkişafı və nəqliyyat marşrutlarının şaxələndirilməsi üçün Azərbaycan-Türkiyə-Qazaxıstan dəhlizinin bölməsində yükdaşımaların həcminin artırılmasının vacibliyini vurğulayıblar. Beləliklə, bu dəhliz çərçivəsində tranzit və nəqliyyat və logistika sahəsində əməkdaşlıq qarşılıqlı faydalı ikitərəfli tərəfdaşlığın əsas hərəkətverici amillərindən biri olaraq qalır".

"Azərbaycan ilk növbədə Qazaxıstan üçün strateji əhəmiyyətli tərəfdaş və qonşu ölkədir. Üstəlik, əgər qonşuluqdan danışırıqsa, bu halda Xəzər ölkələrimiz üçün ayırıcı xətt deyil, birləşdirici körpüdür. Bizim həm iqtisadi, həm də təhlükəsizlik məsələlərində siyasi olmaqla oxşar gündəmlərimiz var. Ortaq maraqlarımız var, xüsusən də iqtisadiyyatımızda islahatların aparılması üçün biz eyni məqsədləri qarşımıza qoyuruq", - Qazaxıstan Strateji Araşdırmalar İnstitutunun direktor müavini Sanat Kuşkumbayev bildirib: "Bu gün biz ölkələrimiz arasında nəqliyyat arteriyalarının inkişafından danışırıq. Xəzər bu halda birləşdirici körpü rolunu oynayır".