Aktual mövzular: Dollar alış-satışı, Neftin qiyməti, COP29, Hava proqnozu

Milyarderin lüks yaxtası Bodrum sahillərində görüntüləndi - VİDEO

Milyarderin lüks yaxtası Bodrum sahillərində görüntüləndi - VİDEO

Tarix: 31 Avqust 2022 19:08

Yamaykalı milyarder Maykl Li Çinə məxsus olduğu deyilən super lüks "Ahpo" yaxtası Muğlanın Bodrum səmtində lövbər salıb.

Milli.Az oxu.az-a istinadən xəbər verir ki, 115 metr uzunluğu və 18 metr eni olan super lüks yaxta keçən il Almaniyada inşa edilib.

300 milyon dollar dəyəri olduğu iddia edilən yaxta möhtəşəmliyi ilə diqqət çəkib.

"Ahpo" dünyanın ən böyük super yaxtaları arasında 47-ci yerdədir. Yaxtanın 71 yaşlı yamaykalı milyarder Maykl Li Çinə məxsus olduğu öyrənilib. "Forbes" jurnalının məlumatına görə, yamaykalı milyarder 1 milyard 700 milyon dollar sərvətə sahibdir.

Milyarderin özünün isə yaxtada olub-olmadığı məlum deyil.

Üst quruluşu və gövdəsi polad və alüminiumdan olan "Ahpo"nun 7 kabinəsi var və 14 qonağı qəbul etmək həcmindədir. Yaxta rəqs meydançası, gözəllik salonu, kinoteatr, spa, lift, sualtı işıqlar, çimərlik klubu və idman kimi imkanlar təklif edir. Həmçinin yaxtada helikopter meydançası da var.

Super lüks yaxtanın Bodrumda nə qədər qalacağı məlum deyil.

Milli.Az


Etiketlər:  Milyarderin lüks yaxtası Bodrum sahillərində görüntüləndi VİDEO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ