Yığmamız 10-cu AVRO-nun bir addımlığında

Tarix: 10 Sentyabr 2022 08:30

Qadın voleybolçulardan ibarət Azərbaycan millisi növbəti oyununu keçirəcək.

Sonxeber.net apasport.az-a istinadən bildirir ki, yığmamız AVRO-2023-ün təsnifat mərhələsində son matçına çıxacaq.

D qrupunda mübarizə aparan Eldar Yusubovun yetirmələri Avstriyanın qonağı olacaq. Bu qarşılaşma AVRO-2023-ə vəsiqə baxımından həlledici xarakter daşıyır. 

Sloveniyanın ardınca qrup ikincisi olacaq və bununla da final mərhələsinə yüksələcək komandanın adı bəlli olacaq.

Şvexat şəhərində təşkil olunacaq matçda Azərbaycan voleybolçularına 1 xal da yetərlidir. Yığmamız iki setdə qələbə qazansa, bu, AVRO-2023-ə vəsiqə verəcək. 2005-ci ildən başlayaraq final mərhələlərinin daimi iştirakçısı olan millimiz ardıcıl 10-cu dəfə həlledici raunda yüksələ bilər.

Qeyd edək ki, AVRO-2023-ün final mərhələsi Belçika, İtaliya, Estoniya və Almaniyada keçiriləcək. 

AVRO-2023-ün təsnifat mərhələsi
D qrupu, VI tur
10 sentyabr
22:25. Avstriya - Azərbaycan
Şvexat. "Multiversum" İdman Sarayı