Aktual mövzular: Dollar alış-satışı, Neftin qiyməti, COP29, Hava proqnozu

Mundialda gümüş medal

Tarix: 11 Sentyabr 2022 23:36

Azərbaycanın daha bir güləşçisi dünya çempionatında final görüşünə çıxıb.

Serbiyanın paytaxtı Belqraddakı mundialın ikinci günündə Ülvi Qənizadə çempionluq qarşılaşmasında qüvvəsini sınayıb.

72 kq çəkidə mübarizə aparan yunan-Roma güləşçimiz serbiyalı Ali Feyzollah Arsalan ilə üz-üzə gəlib. Güləşçimiz 4:7 hesabı ilə uduzub və gümüş medalla kifayətlənib.

Bu, yığmamızın ikinci medalı olub. 55 kq çəkidə Eldəniz Əzizli dünya çempionu adına yiyələnib.

Qeyd edək ki, sabah yunan-Roma millimiz daha 4 medal qazanmaq imkanına malikdir. Taleh Məmmədov (63 kq), Həsrət Cəfərov (67 kq) və Arif Niftullayev (97 kq) bürünc medal, Rafiq Hüseynov (82 kq) isə təsəlliverici qarşılaşmada mübarizə aparacaq.

Whatsapp ilə göndər